اعشق اللهجة العراقية التي تنبض بالمحبة والعفوية وتبين طيبة وشهامة العراقيين وبساطتهم هكذا فقد فكرت ان اكتب هنا باستمرار باللغة العربية الفصيحة او باللغة العراقية الدارجة عن العراق الغالي وبغداد الغالية وكل مدننا الحبيبة من الموصل الى البصرة ولم اجد احلى واجمل من هذه اللازمة العراقية الجميلة "اشلونك عيني" لكي اتخذها عنواناً لموقع التضمين هذا الذي هو وبلا شك مفتوح لجميع الاحبة في العراق وخارجه وهكذا فقد انتهت التوطئة وباللغة العربية الكلاسيكية ونبدأ الان اول الخواطر باللهجة العراقية المحببة الى القلب.
شلونك عيني عراقي شكو ماكو؟ وين لين؟ ليش كلما نطلع من مصيبة نوكع بغيرها هو ليش ماكو غيرنا بس احنا اسمنا طالع كل يوم بكل مكان لاظل تلفزيون ولا راديو ولا جريدة ولامجلة ماتحجي بمشاكلنا بالصدك وبالجذب. وين راحت ذيج الايام الحلوة من جنا ننام على السطح والبيبان مفتوحة والامان والمحبة مالية الكلوب والبيوت. ليش صار طشارنة مالة والي حتى قسم من عدنة وصلوا للقطب الشمالي وقسم غركوا بالبحار والمحيطات الف رحمة على ارواحهم الطيبة اي بس ليش هيج صار بينة؟ الجواب نعوفة مناقصين مشاكلنا هواية وتكفي وتوفي.
اللي اريد اكولة هاي صفحة عراقية شعبية مفتوحة للجاي والرايح اكتب احجي شتريد تسوي سوي بالعربي الفصيح لو بالعامية العراقية ابكيفك بس اكتب وطلع درد كلبك اهنا مو شلح واعبر طبعاً باصول وانشاء الله ننشر المحبة وبلهجةعربية فصيحة يا عراقية اصيلة زين عيني كافي بعد اليوم نخليهة لباجرإذا الله راد وفي امان الله.
اخوكم العراقي خالد ابراهيم
شلونك عيني عراقي شكو ماكو؟ وين لين؟ ليش كلما نطلع من مصيبة نوكع بغيرها هو ليش ماكو غيرنا بس احنا اسمنا طالع كل يوم بكل مكان لاظل تلفزيون ولا راديو ولا جريدة ولامجلة ماتحجي بمشاكلنا بالصدك وبالجذب. وين راحت ذيج الايام الحلوة من جنا ننام على السطح والبيبان مفتوحة والامان والمحبة مالية الكلوب والبيوت. ليش صار طشارنة مالة والي حتى قسم من عدنة وصلوا للقطب الشمالي وقسم غركوا بالبحار والمحيطات الف رحمة على ارواحهم الطيبة اي بس ليش هيج صار بينة؟ الجواب نعوفة مناقصين مشاكلنا هواية وتكفي وتوفي.
اللي اريد اكولة هاي صفحة عراقية شعبية مفتوحة للجاي والرايح اكتب احجي شتريد تسوي سوي بالعربي الفصيح لو بالعامية العراقية ابكيفك بس اكتب وطلع درد كلبك اهنا مو شلح واعبر طبعاً باصول وانشاء الله ننشر المحبة وبلهجةعربية فصيحة يا عراقية اصيلة زين عيني كافي بعد اليوم نخليهة لباجرإذا الله راد وفي امان الله.
اخوكم العراقي خالد ابراهيم
